“Жодугар”, “О Марям, Марям” фильмининг продюсскрларидан навбатдаги “Кўз ёшим” номли фильм намойиши 5 июнь куни Алишер Навоий номидаги киносаройида бўлиб ўтди. Бош ролларни Асал Шодиева, Шавкат Комилов, Саида Раметова, Ҳамид Тошпўлатов, Муяссар Бердиқулова, Мунаввара Абдуллаева ва Акмал Назаровлар ижро этишган. Драма жанрида суратга олинган картина Озод Шамс режиссёрлиги остида суратга олинган, постановкачи оператор Умид Маликов.

Мазкур фильм кино ихлосмандлари учун ўзига ҳос янгилик бўлди. Сабаби фильм воқеалари ҳаётий бўлиб, унда оила ва фарзанд қанчалик муқаддаслиги, яқинларнинг бир бирига садоқати, меҳр муҳаббат туйғулари яққол исботини топган.

Фильмдаги асосий воқеа шундан иборатки, қишнинг қаҳратонида бир нотаниш гўдакни қутқараман деб бепушт бўлиб қолган Акмал бундан беҳабар уйланади. 7 йил мобайнида фарзандсиз яшаётган Муниса қайнонаси-ю, маҳалла куйнинг таъна-ю даштномларига чидаб келади. Воқеа қандай якун топгани сизни қизиқтираётган бўлса барчангизни фильм намойишига чорлаб қоламиз.